Logo

मंगलवार, मंसिर ९ गते २०७७

ट्रम्पको व्यवहारले सुरक्षा अधिकारीहरू चिन्तित, संवेदनशील सूचना बेच्न सक्ने खतरा !

ट्रम्पको व्यवहारले सुरक्षा अधिकारीहरू चिन्तित, संवेदनशील सूचना बेच्न सक्ने खतरा !


ट्रम्पको व्यवहारले सुरक्षा अधिकारीहरू चिन्तित, संवेदनशील सूचना बेच्न सक्ने खतरा !

काठमाडौं – अमेरिकी राष्ट्रपति निर्वाचित जो बाइडेनले राष्ट्रका नाममा सम्बोधन गरिसके । हालै भएको निर्वाचनमा हार बेहोरेका बहालवाला राष्ट्रपति डोनाल्ड ट्रम्पले भने हार स्वीकार गरेका छैनन् ।

बाइडेनलाई केही समयका लागि कानूनी अड्चनको सामना गर्न पर्नसक्ने आँकलन गरिएको छ । ट्रम्पले मात्र नभएर रिपब्लिकन पार्टीका केही सदस्यले ट्रम्पको हार स्वीकारेका छैनन् ।
अमेरिकी विदेशमन्त्री माइक पोम्पेओले मंगलवार सार्वजनिक रुपमै ट्रम्पको हार स्वीकार गर्न मानेनन् ।

ट्रम्पले कानूनी लडाइँ लड्ने भनिरहँदा यता पछिल्लो समय विकसित घटनाक्रमले अमेरिकाका पूर्व सुरक्षा अधिकारीहरुलाई चिन्ता थपेको छ ।

अमेरिकी राष्ट्रपतिले ह्वाइट हाउस छोड्नुअघि देशका संवेदनशील सूचना सार्वजनिक गरिदिने र गोप्य सूचना व्यापारिक फाइदाका लागि बेचिदिन सक्ने भन्दै सुरक्षा अधिकारीहरूले चिन्ता प्रकट गरेका छन् ।

अधिकारीका अनुसार ट्रम्पसँग अत्यन्तै गोपनीय र संवेदनशील सूचनाहरु छन् । यसमा परमाणु हतियारको प्रक्षेपण, खुफिया सूचना जुटाउने क्षमताहरु, अन्य देशमा अमेरिकी सामरिक अड्डासँग सम्बन्धित कैयौं जानकारीहरु, अत्याधुनिक हतियार प्रणालीको विकासको स्थिति जस्ता सूचनाहरु राष्ट्रपतिका रुपमा ट्रम्पसँग छन् ।

पूर्व अधिकारीहरुले ट्रम्पको व्यवहारप्रति शंका प्रकट गर्दै उनको व्यवहार निकै गैरजिम्मेवारपूर्ण भएको बताएका छन् ।

वासिङ्टन पोस्टसँगको कुराकानीमा अमेरिकी खुफिया एजेन्सी सीआईएका पूर्वअधिकारी डेभिड प्रियसले भनेका छन् – ‘कोही पनि जो रिसाएको, असन्तुष्ट वा व्यथित हुन्छ ऊबाट यस किसिमको जोखिम रहन्छ कि उसले गोप्य सूचनाहरु सार्वजनिक गर्न सक्छ । ट्रम्पमाथि करोडौं डलरको ऋण छ जसका कारण उनी निकै दबाबमा छन् । यसबाट पनि उनलाई थप असन्तोष छ ।’

‘सुरक्षा र खुफिया अधिकारीहरुको लागि शीर्ष पदमा रहनेहरू सधैं चिन्ताको विषय रहन्छन्, जोमाथि ऋण धेरै हुन्छ,’ पूर्व खुफिया अधिकारी लेरी फाइफर र सीआईए महानिर्देशक का रुपमा काम गरेका माइकल भी हेडेन भन्छन् ।

ट्रम्पको हार र त्यसपछि उनले देखाएको प्रतिक्रियालाई लिएर चिन्ताजनक अवस्था सिर्जना भएको पूर्व सुरक्षा अधिकारीहरू बताउँछन् । उनीहरूका अनुसार पछिल्लो समयका घटनाले त्यस्तै संकेत देखाइरहेका छन् ।

चुनाव हारेपछि राष्ट्रपतिको व्यस्तता घटे पनि ट्रम्प भने ह्वाइट हाउसमा बसिरहेको र उनी ह्वाइट हाउस छाड्न पनि तयार नभएको सुरक्षा अधिकारीहरूले जनाएका छन् ।

यतिसम्म कि, पछिल्लो एक हप्तामा उनले अमेरिकी सैन्य मुख्यालय पेन्टागनबाट ठूला अधिकारीहरुलाई हटाएर आफ्ना विश्वासपात्रलाई त्यहाँ राखेका छन् । हालै ट्रम्पले रक्षामन्त्री पनि फेरेका थिए ।

कतिपयले ट्रम्पको टिम यतिबेला रकम जुटाउने अभियानमा लागेको र उनी ह्वाइटहाउसबाहिर घुमफिरका लागि पनि बाहिर ननिस्किएको दाबीसमेत गरिरहेका छन् ।

ट्रम्प प्रशासनले जो बाइडेनलाई विदेश विभागमार्फत आएका सन्देश हेर्न नदिएको र बाइडेनलाई इन्टेलिजेन्स र सुरक्षा ब्रिफिङ सुन्न समेत नदिएको सीएनएनको एक रिपोर्टमा दावी गरिएको छ । यसले पनि ट्रम्पले सूचनाको दुरुपयोग गर्ने खतरा बढेको भन्दै पूर्व सुरक्षाविदहरू चिन्तित बनेका छन् ।

कामना न्यूज

सम्बन्धित समाचार
विशेष सबै
  • नेकपाको शक्ति संर्घष, लोकथाको कौवा र सर्पको कथा जस्तै 

    सञ्जय पन्थी काठमाडौँ । एउटा लोक कथा छ, ‘एकदेशमा एउटा कौवा रहेछ । उसले सन्तान बृद्धिका लागि कुनै एक रुखमा गुँड लगाएछ । बच्चा पनि कोरले