Logo

शनिवार, मंसिर २० गते २०७७

जलविद्युत पत्रकारको राष्ट्रिय भेला, समाज अध्यक्षमा कोइराला 

जलविद्युत पत्रकारको राष्ट्रिय भेला, समाज अध्यक्षमा कोइराला 


जलविद्युत पत्रकारको राष्ट्रिय भेला, समाज अध्यक्षमा कोइराला 

पोखरा । जलविद्युत क्षेत्रमा कलम चलाउँदै आएका पत्रकारहरुको राष्ट्रिय भेलाले जलविद्युत पत्रकार समाज गठन गरेको छ । आइतबार कास्कीको माछापुच्छ«े गाउँपालिकामा देशभरका पत्रकारहरुको भेलाले कास्कीका भरत कोइरालाको अध्यक्षतामा १३ सदस्यीय समिति गठन गरेको हो ।

समितिको उपाध्यक्ष दिपक ज्ञवाली (रुपन्देही), महासचिवमा ज्ञानेन्द्र निरौला (झापा), सचिवमा कृष्ण दवाडी (कास्की), कोषाध्यक्षमा तारा चापागाईं (कास्की) चयन भएका छन् । यस्तै, सदस्यहरुमा मिलन विश्वकर्मा (काठमाडौं), बलराम बुढाथोकी (काठमाडौं), अक्कल कुँवर (काठमाडौं), प्रतिक इच्छुक शर्मा (सल्यान), अनिता घिमिरे (कास्की) चयन भएका छन् । एक उपाध्यक्ष सहित दुई सदस्य भने पछि मनोनयन गरिने महासचिव निरौलाले बताए । उपाध्यक्ष पदनमा काठमाडौंमा पत्रकारिता गर्दै आएको व्यक्तिलाई मनानयन गरिने उनको भनाइ छ ।  

भेलाले सल्लाहकार समेत चयन गरेको छ । सल्लाहकारमा नेपाल पत्रकार महासंघ कास्कीका पुर्व अध्यक्ष पुण्य पौडेल, राष्ट्रिय समाचार समितिका उपसम्पादक जीवन भण्डारी चयन भएका छन् ।नवगठित समितिलाई शुभकामना दिँदै भिजन लुम्बिनी ऊर्जा कम्पनी लिमिटेडका अध्यक्ष जगतबहादुर पोखरेलले जलविद्युत क्षेत्रमा रहेका सम्भावना, समस्या र चुनौतीका बारेमा अब थप सशक्तरुपमा आवाज बुलन्द हुने विस्वास व्यक्त गरे ।

संस्थालाई अगाडि बढाउन कम्पनीको तर्फबाट प्रारम्भिक रुपमा आर्थिक सहयोग गर्ने प्रतिबद्धता उनले जनाए । उक्त कम्पनीले कास्कीको माछापुच्छ« गाउँपालिका २ भराभरीमा २५ मेगावाटको सेती नदी जलविद्युत आयोजना बनाइरेहेको छ । आर्थिक पत्रकार समाज (सेजन) अध्यक्ष भीम गौतमले जलविद्युतलाई बिट बनाएर रिपोर्टिङ गर्न गठित समाजको सफलताको शुभकामना व्यक्त गरे । 

माछापुच्छ«े घोषणापत्र जारी 
कास्कीको माछापुच्छ«े गाउँपालिका वडा नम्बर २, सार्दीखोलामा निर्माणाधीन सेती नदी जलविद्युत परियोजना (२५ मेगावाट) को अग्रसरतामा २०७७ कात्तिक १६ गते नेपालभरका पत्रकारलाई प्रतिनिधिमूलक रुपमा स्थलगत अवलोकनसहित जलविद्युत पत्रकारिता अभिमूखीकरण कार्यक्रम गरेको छ ।

उक्त कार्यक्रममा सहभागी पत्रकारहरुले यही अवसरलाई राष्ट्रिय भेलाको रुपमा रुपान्तरण गरी जलविद्युत पत्रकार समाजको तदर्थ समिति गठन गरिएको हो । समाज गठनसँगै भेलाले जलविद्युत र पत्रकारिताका विषयलाई समेटर माछापुच्छ«े घोषणापत्र जारी गरेको छ । नेपालमा जलविद्युत उत्पादन सुरु भएको १ सय वर्ष नाघिसके पनि यस क्षेत्रको विकास हुन सकेको छैन । जलविद्युत पत्रकारिता त झन् प्राथमिकतामा पर्न सकेको छैन । यस्तो अवस्थामा जलविद्युत क्षेत्रमा कलम चलाउने पत्रकारलाई समेटेर जलविद्युत पत्रकार समाज गठन गरिएको हो ।

जलविद्युत पत्रकारितालाई बिटका रुपमा विकास गर्दै पत्रकारको क्षमता अभिवृद्धिमा समाज सशक्त रुपमा क्रियाशील रहने घोषणात्रमा जनाइएको छ । घोषणापत्रमा भनिएको छ, ‘समाजले पत्रकारिताको क्षेत्रबाट जलविद्युतको विकास र प्रवद्र्धनमा सहयोग गर्नेछ ।’ जलविद्युत क्षेत्रका सम्भावना, चुनौतीका बारेमा विश्लेषणात्मक सामग्री प्रकाशन÷प्रशारण गर्दै जलविद्युत सम्बन्धी नीति नियमका बारेमा वकालत गर्नेछ महासचिव ज्ञानेन्द्र निरौलाले बताए । 

जलविद्युतमा प्रशस्तै सम्भावना रहे पनि धेरै आयोजनाहरु अहिले राजनीति प्रभावले थलिएको भन्दै भेलाले संघीयता कार्यान्वयनसँगै जलविद्युतका नीति नियममा थप अन्योल भएकाले ३ तहकै सरकारको समन्वयमा तत्काल जलविद्युत नीति निर्माण गर्न भेलाले जोडदार माग गरेको छ । भेलाको अवसर प्रदान गर्ने भिजन लुम्बिनी ऊर्जा कम्पनी लिमिटेड र स्थानीयस्तरमा सहजीकरणका लागि सहयोग गर्ने माछापुच्छ«े गाउँपालिकाप्रति आभार व्यक्त गरिएको छ । 

पत्रकार अभिमुखीकरण 
भिजन लुम्बिनी ऊर्जा कम्पनी लिमिटेडको सहयोगमा कास्कीको माछापुच्छ«ेमा जलविद्युत पत्रकारिता अभिमुखीकरण भएको छ । कार्यक्रममा मुलुकभरका ३० पत्रकारको सहभागिता थियो । आर्थिक पत्रकार समाज (सेजन) का अध्यक्ष भीम गौतमले नेपालमा जलविद्युतको विकासक्रम, जलविद्युत पत्रकारितामा ध्यान दिनुपर्ने विषयका साथै यसमा प्रयोग हुने प्राविधिक शब्दावलीका बारेमा प्रस्तुति गरेका थिए । 
  

कामना न्यूज

  • सोमवार, कार्तिक १७ २०७७१२:५५:१९
सम्बन्धित समाचार
विशेष सबै
  • नेकपाको झगडामा गुरु वशिष्ठ अभाव 

    सञ्जय पन्थी नेकपामा दुई अध्यक्ष बीच वैमनुष्यताको जवाफी युद्ध जारी छ । विहिबार प्रम एवंम पार्टी अध्यक्ष केपी ओलीले कात्तिक २८ मा अध्यक्ष प्रचण्डको प्रतिवेदनलाई जवाफ