Logo

बुधवार, कार्तिक १२ गते २०७७

कोरोना अपडेटः कोरोनाका कारण विश्वभरी ११ लाख तीन हजारको मृत्यु

कोरोना अपडेटः कोरोनाका कारण विश्वभरी ११ लाख तीन हजारको मृत्यु


कोरोना अपडेटः कोरोनाका कारण विश्वभरी ११ लाख तीन हजारको मृत्यु

काठमाडौँ । महामारीको रुपमा फैलिएको कोरोनाभाइरसका कारण विश्वभरी हालसम्म ११ लाख ३ हजार ३ सय ७९ जनाको मृत्यु भएको छ।

विभिन्न निकायहरुले सार्वजनिक गरेको विवरण अनुसार कोरोनाभाइरसबाट विश्वभरी सङ्क्रमित भएकाहरुको कुल सङ्ख्या ३ करोड ९२ लाख ७ हजार ४ सय ३६ पुगेको छ। 
कुल सङ्क्रमित मध्ये २ करोड ९३ लाख ९७ हजार ८ सय ३५ जना कोरोनाभाइरसबाट सङ्क्रमणमुक्त भइसकेको तथ्याङ्क छ। 

विश्वभरी अहिलेपनि ८७ लाख ६ हजार २ सय २२ जना सङ्क्रमित अवस्थामै रहेका छन्। ती मध्ये ८६ लाख ३५ हजार ३ सय १६ जनाको अवस्था मध्यम छ भने अरु ७० हजार ९ सय ६ जनाको अवस्था गम्भीर रहेको जनाइएको छ। 

सङ्क्रमितहरुको सङ्ख्याका आधारमा अमेरिका सबैभन्दा अगाडि रहेको छ भने भारत, ब्राजिल, रुस, स्पेन, अर्जेन्टिना, कोलम्बिया, पेरु, मेक्सिको र फ्रान्स क्रमशः अग्र देशमा रहेका छन्। 

अमेरिकामा अहिलेसम्म ८२ लाख १६ हजार ३ सय १५ जना सङ्क्रमित भएका छन् भने २ लाख २२ हजार ७ सय १७ जनाको मृत्यु भएको छ। 

त्यसैगरी भारतमा ७३ लाख ७० हजार ४ सय ६८ जना सङ्क्रमित हुँदा १ लाख १२ हजार १ सय ६१ जनाको मृत्यु भएको विवरण छ। 

सङ्क्रमितहरुको संख्या हेर्दा ब्राजिलमा ५१ लाख ७० हजार, रुसमा १३ लाख ६९ हजार स्पेनमा ९ लाख ७२ हजार मानिस कोरोनाभाइरसबाट सङ्क्रमित भएका छन्। 

गत डिसेम्बरमा चीनको वुहानमा पहिलो पटक देखिएको पुष्टि गरिएको कोरोनाभाइरस अहिले फैलिदै विश्वका २ सय १६ देशमा पुगिसकेको छ। 

कामना न्यूज

  • शुक्रवार, आश्विन ३० २०७७०२:५२:१६
सम्बन्धित समाचार
विशेष सबै