Logo

बुधवार, कार्तिक १२ गते २०७७

चितवनमा थप २ जनाको कोरोनाबाट मृत्यु

चितवनमा थप २ जनाको कोरोनाबाट मृत्यु


चितवनमा थप २ जनाको कोरोनाबाट मृत्यु

चितवन । कोरोना सङ्क्रमण भई यहाँ उपचाररत २ जनाको मृत्यु भएको छ। १ जनाको भरतपुर अस्पतालमा र अर्का १ को चितवन मेडिकल कलेजमा उपचारका क्रममा मृत्यु भएको हो।

भरतपुर अस्पतालमा सर्लाहीको हरिपुर गाउँपालिकाका ५५ वर्षीय पुरुषको आज बिहान १० बजे मृत्यु भएको हो। अस्पतालद्वारा जारी सूचनामा मिर्गौलाको डायलासिस गरिरहेका उनको यही भदौ १८ गते कोरोना सङ्क्रमण पुष्टि भएको थियो।

उनको खोकीसँगै स्वाशप्रस्वासमा समस्या देखिएपछि भदौ २३ गतेदेखि कोभिड–१९ सघन उपचार कक्षमा उपचारका क्रममा मृत्यु भएको हो। यसैगरी चितवन मेडिकल कलेज भरतपुरमा उपचाररत १ सङ्क्रमित पुरुषको मृत्यु भएको छ।

अस्पतालका निर्देशक प्रा डा दयाराम लम्सालका अनुसार नवलपुरको देवचुली नगरपालिका–११ निवासी ३१ वर्षीय पुरुषको बिहीबार राति १२ः१८ बजेको समयमा मृत्यु भएको हो। स्वासप्रस्वास र निमोनियाको समस्या भएपछि भदौ २५ गते अस्पताल भर्ना भएका उनको २६ गते कोरोना सङ्क्रमण पुष्टि भएको थियो।

उनको सघन उपचार कक्षमा भेन्टिलेटरमा राखी उपचार गर्दा गर्दै मृत्यु भएको लम्सालले जानकारी दिए। हालसम्म जिल्लामा उपचारका क्रममा र घरमा गरी मृत्यु हुनेको सङ्ख्या २९ पुगेको स्वास्थ्य कार्यालयले जनाएको छ। जसमध्ये चितवनका मात्र १७ जना रहेका छन्।

कामना न्यूज

  • शुक्रवार, आश्विन २ २०७७०२:०३:५८
सम्बन्धित समाचार
विशेष सबै