Logo

आइतवार, आश्विन ४ गते २०७७

भोलिदेखि चल्दैछन् लामो दूरीका यातायात, जोरबिजोर नलाग्ने, यी २० भन्दा बढी जिल्लामा भने नचल्ने 

भोलिदेखि चल्दैछन् लामो दूरीका यातायात, जोरबिजोर नलाग्ने, यी २० भन्दा बढी जिल्लामा भने नचल्ने 


भोलिदेखि चल्दैछन् लामो दूरीका यातायात, जोरबिजोर नलाग्ने, यी २० भन्दा बढी जिल्लामा भने नचल्ने 

काठमाडौँ । असोज १ गतेबाट सुचारु हुने लागेको लामो दुरीको सवारी साधन सञ्चालनमा जोर(बिजोर प्रणाली लागू नहुने भएको छ।

यातायात व्यवस्था विभागका महानिर्देशक गोगनबहादुर हमालले लामो तथा मध्यम दुरीका सवारी साधन सन्चालनमा जोर-बिजोर प्रणाली लागू नहुने बताए। काठमाडौं उपत्यकामा जोर-बिजोर लागू भइरहेका बेला लामो दूरीका सवारी साधनमा के हुन्छ भन्ने अन्योल थियो।

गत साता काठमाडौँ उपत्यकामा निषेधाज्ञा खुकुलो बनाइए पनि यातायात सञ्चालनमा जोर-बिजोर प्रणाली लागु गर्ने निर्णय भएको थियो। मन्त्रिपरिषद्को मंगलबारको बैठकले असोज १ गतेबाट लामो तथा मध्यम दुरीका सवारी साधन सञ्चालन खुला गर्ने निर्णय गरेको हो।

गत चैत ११ गतेदेखि लामो दुरीका सार्वजनिक सवारी साधन सञ्चालन हुन सकेका छैनन्। यसअघि भदौ १ गतेदेखि सुरु हुने भनिएपनि त्यसपछि भदौ १६ गतेका लागि सरेको थियो। त्यसपछि असोज १ गतेका लागि सरेको मिति फेरि असोज ५ गतेका लागि तय भएको थियो। सरकारले उक्त मिति सारेर फ‍ेरि असोज १ गतेबाट सुरु गर्ने निर्णय गरेको हो।

विभागका महानिर्देशक हमालले पूर्ण निषेधाज्ञा रहेका जिल्लामा तत्काल लामो दुरीका सवारी साधन सञ्चालन नहुने बताए। गृह मन्त्रालयका अनुसार करिब दुई दर्जन जिल्लामा पूर्ण निषेधाज्ञा र १० वटा जिल्लामा आंशिक निषेधाज्ञा छ।

धनुषा, पर्सा, महोत्तरी, बारा, सिराहा, रौतहट, सिन्धुपाल्चोक, अर्घाखाँची, कन्चनपुर, संखुवासभा, रुपन्देही, चितवन, कपिलबस्तु, बझाङ, बाग्लुङ, गुल्मी, पाँचथर, तेह्रथुम, मकवानपुरलगायत जिल्लामा पूर्ण निषेधाज्ञा छ।

 स्वास्थ्य कार्यविधि पर्खँदै व्यवसायी र मजदुर 

सरकारले लामो दुरीका सवारी साधन सञ्चालन गर्ने निर्णय गरेपनि स्वास्थ्य मापदण्ड सम्बन्धी कार्यविधि जारी गरेको छ। नेपाल यातायात राष्ट्रिय व्यवसायी महासंघका महासचिव सरोज सिटौलाले कार्यविधि पर्खिरहेको बताए।

विश्वकर्मा पूजा (असोज १) कै दिन सवारी सञ्चालन गर्न पाउँदा हामी व्यवसायी र मजदुर खुसी छौँ। तर कार्यविधि नआएकाले बुधबार साँझसम्म प्राप्त हुने अपेक्षा छ। कसरी सञ्चालन गर्ने भन्ने विषयमा मौखिकरुपमा भने छलफल भइसकेको छ।

कामना न्यूज

  • बुधवार, भाद्र ३१ २०७७०३:४१:१७
सम्बन्धित समाचार
विशेष सबै
  • संविधानको रक्षा गर्दै अगाडि बढ्न सबैलाई आग्रहः नेता खनाल

    काठमाडौँ । पूर्वप्रधानमन्त्री झलनाथ खनालले समाजवादउन्मुख संविधानको रक्षा गर्दै अगाडि बढ्न सबैलाई आह्वान गरेका छन्। संविधान दिवसका अवसरमा आज शुभकामना सन्देश दिँदै उनले अथक संघर्षबाट प्राप्त