Logo

सोमवार, चैत्र ३० गते २०७७

images
images
images
images

चेल्सीले लिभरपुललाई हरायो

चेल्सीले लिभरपुललाई हरायो


चेल्सीले लिभरपुललाई हरायो

चेल्सीको जितमा मासन माउन्टले पहिलो हाफमा गरेको गोल नै निर्णायक बन्यो । उनले खेलको ४२औं मिनेटमा गोल गरेका थिए । एनफिल्डमा बिहीबार राति भएको प्रतिस्पर्धात्मक खेलमा बल पोसेसनमा घरेलु टोली लिभरपुलले पकड बनाएपनि फिनिसिङ गर्न सकेन ।

खेलको सातौ मिनेटमा एन्ड्रिउ रोबर्टसनको पासमा मोहम्मद सलाहको प्रहार पोस्ट नजिकैबाट बाहिरिदा लिभरपुल अग्रता लिनबाट चुक्यो । ११औं मिनेटमा बेन चिलवेलको पासमा टिमो वेर्नरको हाफ भली प्रहार क्रसबारबाट थोरै बाहिरिदा चेल्सीले अग्रता लिन सकेन ।

१६औं मिनेटमा कप्तान सिजर एज्पिलिक्वेटाको पासमा टिमो वेर्नरको प्रहारलाई लिभरपुलका गोलरक्षक एलिसन बेकरले बचाए । २४औं मिनेटमा टिमो वेर्नरले गोल गरेपनि चिएआरबाट मान्यता पाएन । उनी अफसाइड ठहरिए ।

२८औं मिनेटमा साडियो मानेले सुवर्ण अवसर खेर फाले । ४२औं मिनेटमा मासन माउन्टले एङ्गोलो कान्टेको पासमा गोल गर्दै चेल्सीलाई १–० ले अघि बढाए । ५४औं मिनेटमा बेन चिलवेलको पासमा हाकिम जियाचको प्रहारलाई एन्ड्रिउ रोबर्टसनले गोललाइनबाट बचाएपछि चेल्सीको अग्रता दोब्बर हुन सकेन ।

७६औं मिनेटमा जर्गिन्हो र माउन्टको समन्वयमा वेर्नरको प्रहारलाई गोलरक्षक एलिसन बेकरले उत्कृष्ट बचाउ गरे । ८५औं मिनेटमा रोबर्टाे फिर्मिनोको प्रहारले पोस्टको दिशा लिन नसक्दा लिभरपुल बराबरीबाट चुक्दै पराजित हुन पुग्यो ।

जितसँगै चेल्सी प्रिमियर लिगको शीर्ष चारमा उक्लिएको छ । चेल्सीको २७ खेलबाट ४७ अंक पुगेको छ । पराजित लिभरपुलले शीर्ष चारमा उक्लने मौका गुमाउदा ४३ अंक जोडेर सातौ स्थानमा रहेको छ ।

 
 

कामना न्यूज

  • शुक्रवार, फाल्गुन २१ २०७७०९:५९:१७
सम्बन्धित समाचार
विशेष सबै
  • नेपालमा गैँडाको संख्या ७५२ पुग्यो

    नवलपुर । नेपालमा पछिल्लो पाँच वर्षको अवधिमा गैँडाको संख्यामा वृद्धि भएको छ । पछिल्लो पाँच वर्षमा नेपालमा १०७ गैँडा बढेको तथ्यांकले देखाएको छ । राष्ट्रिय गैँडा