Logo
बिहिवार, जेठ १५ गते २०७७

जोनाथन रिचेसः जसले लालनपालन राम्ररी नगरेको भन्दै आफ्नै आमा विरुद्ध मुद्दा हाले

जोनाथन रिचेसः जसले लालनपालन राम्ररी नगरेको भन्दै आफ्नै आमा विरुद्ध मुद्दा हाले

काठमाडौँ । जनता समाजवादी पार्टीले आफ्ना सांसद अपहरण भएको भन्दै प्रहरीमा जाहेरी दिन जाँदा प्रहरीले अधिकार क्षेत्र बाहिर भएको भन्दै मुद्दा दर्ता गर्न मानेन । अपहरण जस्तो जघन्य आरोप लागेकाहरूको मुद्दा प्रहरीले दर्ता गर्न नमान्नुलाई कतिपयले कानुनी राज्यको धज्जी उडाएको समेत भनिरहेका छन् । कानुनी दाउपेच झमेलाको यस्तै खिचातानी चलिरहेको बेला सम्झिनुपर्ने नाम हो, जोनाथन। जोनाथनको पूरा नाम जोनाथन ली रिचेस हो । उनी अमेरिकामा यस्तै मुद्दामामिला तथा कानुनी झमेलाका कारण चर्चित छन् । उनलाई दुनियाँमै सबैभन्दा धेरै मुद्दा दायर गरेर चर्चित भनेर समेत चिनिन्छ । उनको यस हर्कतलाई अजीबोगरीब भन्न सकिन्छ । उनले सबैभन्दा पहिलो मुद्दा आफ्नी साख्खै आमाविरुद्ध हालेका थिए । उनले आफ्नी आमामाथि आफ्नो लालनपालन ठीक ढंगले नगरेको आरोप लगाएका थिए । मुद्दा परेपछि भएको अदालती कारबाहीमा उनले मुद्दा जिते । उनलाई मुअब्जा स्वरूप उनकी आमाले २० हजार डलर दिनुपर्ने फैसला भएको थियो । उनले आफ्ना साथी, शिक्षक, छिमेकी, नातेदार, आफ्नी भावी श्रीमती, प्रहरी, न्यायाधीश, चर्चित कम्पनीहरू र यहाँसम्मकी तत्कालीन राष्ट्रपति जर्ज डब्लु बुसमाथि समेत मुद्दा हाले । यी मुद्दाहरू अमेरिकाका विभिन्न अदालतहरूमा दायर भएका थिए । उनले आफ्नो जीवनमा २६ सय मुद्दा हालेका छन् । उनी कीर्तिमानी वादी समेत गनिन्छन् । उनको यही कीर्तिमान सबैभन्दा धेरै मुद्दा हाल्ने व्यक्तिका रूपमा गिनिज बुक अफ बर्ल्ड रेकर्डमा समेत दर्ता भएको छ । तर, उनले आफ्नो अनुमति बिना नै नितान्त आफ्नो व्यक्तिगत मामिलामा दखलअन्दाजी गरेको र लेखेको भन्दै गिनिज बुक विरुद्ध समेत मुद्दा हालेका थिए । जोनाथनले हालसम्मका मुद्दाहरूबाट करिब ८ लाख डलर मुअब्जा पाएका छन् । उनको अर्को किस्सा पनि बडो रोचक छ । उनलाई संवादका लागि भन्दै एउटा टेलिभिजन कार्यक्रममा बोलाइएको थियो । उनले आफ्नो पीडा सेयर गर्ने ध्येयले भने, ‘म यति प्रसिद्ध छु, तर पनि म एक्लो छु । मलाई कसैले माया गर्दैन ।’ उनको कुरा भुइँमा खस्न नपाउँदै कार्यक्रम सञ्चालकहरू हाँस्न थाले । उनी तत्काल कार्यक्रम छोडेर हिँडे र टेलिभिजनविरुद्ध नै आफ्नो सार्वजनिक बेइज्जती गरेको भन्दै मुद्दा दायर गरे । अदालतले पनि उनको सार्वजनिक बेइज्जती भएको ठहर गर्दै टेलिभिजन च्यानलविरुद्ध ५० हजार डलरको क्षतिपूर्ति दिनुपर्ने फैसला सुनायो । सन् २०१६ को अप्रिल फुलमा रिचेसले दायर गरेका मुद्दाहरूको एउटा संग्रह प्रकाशित भएको थियो । त्यस्तै नोभेम्बर २०१८ मा रिचेसको स्वप्रकाशनमा ‘नथिङ इज राइट इन स्टोनः ए जोनाथन ली रिचेस क्याम्पेनियन भन्ने उनको आत्मकथा पनि छापिएको छ ।

सम्बन्धित समाचार

Copyright © All right reserved to Kamana News Site By: SobizTrend Technology